गावा विषयी

मुडझा ग्रामपंचायत ही जिल्हा परिषद चंद्रपूर पंचायत समिती ब्रम्हपुरी अंतर्गत येणारी एक ग्रामिण स्थानिक स्वराज्य संस्था आहे.गावाची लोकसंख्या सन २०११ चे जनगणनेनुसार ३६५९आहे. राज्यातील चंद्रपूर जिल्हाचे ब्रम्हपुरी तालुक्याचे शेवटच्या टोकावर वसलेले परिसराचे केंद्रबिंदू असलेले मौजा-मुडझा हे गाव महत्वपुर्ण असून ग्रामपंचायतीचे मुख्यालय आहे.या ग्रामपंचायतीमध्ये मौजा-मुडझा व बोडेगांव या गावांचा समावेश आहे.जि.प.चंद्रपूर मुख्यालयापासून सदर गाव हे ११० किलोमिटर अंतरावर असलेले हे गाव कृषी प्रधान असून येथिल प्रमुख्य व्यवसाय शेती ही आहे

मुडझा हे गांव महाराष्ट्र राज्यातील चंद्रपूर जिल्ह्यातील ब्रम्हपुरी तालुक्यातील एक महत्वपुर्ण गाव आहे.हे जिल्हा-चंद्रपूर मुख्यालयापासून ११० कि.मी. अंतरावर आणि तालुका मुख्यालय ब्रम्हपुरी पासून ४५ कि.मी अंतरावर आहे.मुडझा हे गांव आर्थिकदृष्ट्या,शैक्षणिकदृष्ट्या,व्यापारदृष्ट्या,आरोग्यदृष्ट्या महत्वाचे केंद्रस्थान असून स्वत:चे ग्रामपंचायत केंद्र आहे. मौजा-मुडझा येथे स्वातंत्र्य पुर्व काळात जनपद म्हणून कार्यरत होते.त्यानंतर स्वातंत्र्यानंतर मौजा-मुडझा येथे सन १९५७ मध्ये ग्रामपंचायत कार्यालयाची स्थापना झाली व प्रथम सरपंच म्हणून मा.श्री.कासमभाई इब्राईम लाखाणी यांनी सन मार्च १९५७ ते सन मार्च १९६२पर्यत सरपंच पदाचा कार्यभार सांभाळला.त्यानंतर २०२५ पर्यंत एकूण १५ कार्यकालावधीमध्ये ११ व्यक्तींनी सरपंच पद भुषविले आहेत.आज स्थितीत श्री.होनाजी जनार्धन नैताम हे सरपंच म्हणून कार्यरत आहेत. सदर ग्रामपंचायत अंतर्गत एकूण ४ वार्ड असून ग्रा.प.ची कार्यकारीणी संख्या ११ आहे. ग्रामपंचायत मुडझा अंतर्गत समाविष्ठ गावे- १. मुडझा २. बोडेगांव